Alinsunod sa direktiba ni Pangulong Ferdinand R. Marcos Jr. na paigtingin ang pagpapaunlad ng kabuhayan gamit ang likas-yamang Pilipino, at sa pamumuno ni PhilFIDA Executive Director Ali Atienza, pinangunahan ng PhilFIDA Region VI ang pagsasagawa ng 2-day Skills Training on Abaca Bag Making noong Setyembre 24–25, 2025 sa Brgy. Napuid, Pandan, Antique.
Dalawampung magsasaka, karamihan ay kababaihan, ang natuto mula sa abaca twining hanggang sa paggawa ng bag bilang finished product. Layunin ng pagsasanay na magbigay ng dagdag-kabuhayan at mas mataas na halaga sa produktong abaca ng komunidad.
